ရှင်နေလျက်နဲ့
သေဆုံးခြင်းဆိုတာ
ခင်ဗျားယုံလား
ကျွန်တော်ကတော့ ယုံတယ်
လူတစ်ယောက်
မျှော်လင့်ချက်တွေ မဲ့သွားတဲ့အခါ
ဒါမှမဟုတ်
မျှော်လင့်ချက်တွေထားခဲ့ပြီးတော့မှ
ဘာမှ ဖြစ်မလာတဲ့အခါ
လူတစ်ယောက်ဟာ
အသက်ပဲ ရှူရုံရှူတော့တာ
ဘ၀တွေ မရှင်သန်လာတော့ဘူး ။
အိပ်မက်တွေ မက်ဖို့လဲ ကြောက်သွားသလို
နောက်မှ ဖြစ်လာမယ့်အရာတွေကို မယုံရဲတော့ဘူး
ဘာတွေဆက်ဖြစ်လာမလဲ တွေးမနေတော့ဘူး
ဖြစ်ချင်တဲ့အရာတွေထက် ဖြစ်နေတဲ့အရာတွေကို
တော်ရိလျော်ရိလေးပဲ ဖြတ်သန်းရင်
အသက်တွေ ထပ်ပြီးကြီးရတယ်လေ
လူတစ်ယောက် အသက်ရှင်ဖို့
မျှော်လင့်လို့ရတဲ့ အရာတစ်ခုတော့ လိုတယ်မဟုတ်လား
တစ်နေ့ပေါ့ ဆိုသလိုမျိုး
တစ်နေရာရာမှာပေါ့ ဆိုသလိုမျိုးတွေလေ ။
#ကျေးကို
No comments:
Post a Comment